Vienan Karjala

Kirjutukset vienankarjalakse

Zalavrugan kallivopiirrokšet tultih lähemmäkši

Uuvvet telašillat ta portahat Belomorskin piirin Zalavrugan kallivopiirrokšien luo viejällä polulla // Kuva: Kuva otettu vk.com/zalav

Ihmiset, kumpaset on käyty Zalavrugan kallivopiirrokšien alovehella, hyvin tiijetäh, jotta šinne et piäše autolla, vain aštumalla meččäpolkuo myöten.

Matka keštäy 1,2 kilometrie, ka Kisli pudas -kohašša olija paikka varautti ihmisie ta kiänti ikäihmisie šekä lapšie jälelläh kallivopiirrokšie kaččomatta. Šiinä on vuarallini jyrkkä rinneh, mitä myöten rahvaš lašettih ken mitein jakšo ta šiitä piti piäšyšteliytyö kivimuata pitin šillalla.

Tuntomattomat hyvät inehmiset rakennettih telašillat ta portahat Kisli pudas -jovenhuaran šiltah šuaten. Nyt Zalavrugan kallivopiirrokšien alovehella on helpompi piäššä ta Vienanmeren kallivopiirrokšie, mit ollah Jegiprin piramiidija vanhempie, šuahah nähä kaikki halukkahat. Šuuret kiitokšet niillä tuntomattomilla ujoilla muasteriloilla.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat