Vienan Karjala

Kirjutukset vienankarjalakse

Lyydiläzet suadih kul’tuurukeskuksen

Kuujärven karjalazet tuodih “Lyyditaloih” kuvan, kuduas suau nähtä Kuujärven randoi. // Kuva: Elina Potapova

“Lyyditalo” on puuhine kodi Petroskoin vahnas mikropiiris – Solomannis. Kois on kaksi kerrostu, toine kerros on läs valmis, täs rodieu tulilinduloin muzei. Pluanoin mugah, talois ruvetah pidämäh lyydin kielen kursiloi da toizii etnokul’tuurizii pidoloi.

Lyydiläzien etnokul’tuurizen keskuksen avuamine oli vuotettavu da merkittävy tapahtumu lyydiläzile. Enne sidä lyydiläine keskus oli vaigu Kuujärves. Karjalazet ollah hyväs mieles, ku nygöi tämänmoine keksus on Karjalan piälinnasgi.

“Lyyditaloin” avajazih tuli äijy rahvastu: virgumiesty, Karjalan tiedokeskuksen tutkijua, lyydilästy.

– Tahtozin toivottua koin emändäle, ku kai pluanat todevuttas da täs dielos olis äijy abuniekkua. Rubiemmo iellehgi ruadamah yhtes lyydiläzien kielen da kul’tuuran hyväkse. Anna meijän kieli ei hävie, vai nouzou, sanoi omii mielii lyydiläine aktivistu kuujärveläine Nadežda Koval’čuk.

Gostih niškoi koin tyves piettih konsertu. Sen aigua laval pajatettih vepsäläine Randaine-joukko da ukrainalazen Kalina-liiton artistat.

Koin avajazis ozutettih vahnoi taboigi. Sih niškoi koin emändy Lidija Konovalova pastoi magien leivän. Ku suas ennustua, roihgo ozua uudeh taloih, leiby pidi lykätä lattiele... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat