Vienan Karjala

Kirjutukset vienankarjalakse

Alavozen “Jumalan lapset” eistytäh edehpäi

Anuksen eččijöin otr’uadan johtai Oleg Levašov ozuttau lapsile kohtii, kus vuvvennu 1941 oldih suuret torat. // Kuva: Irina Filatova.

Joga vastavuksen huondes algavui moleeben’as.  Tavallizien malittuloin keskes kirikön tuatto Boris saneli Karjalan muan pyhis, mustoitti heijän nimii da ruadoloi, potakoičči lugemah pyhäelaijan kerdomuksii.

Tuatto Puavil, kudai nygöi ruadau Suomes da tuli kodvazekse huogavumah vahnembilluo, saneli, konzu da kui karjalazii ristittih pruavoslavnoih uskoh. Tuatto paheksi, ku vähä ken nuoris liygiläzis pagizou omal muamankielel. Kyzeli lapsii, midä hyö tietäh oman roindumuan histouries, maltetahgo livvin sanoi, pajoloi, potakoičči lapsii pagizemah da lugemah karjalakse, nevvoi opastuo 15 sanua joga päiviä.

‒ Uskottogo, konzu minä olin armies, kui oli hyvä mieli vastavuo meijän Karjalas tulluzien brihoinke da paista heijänke omal kielel. Toizet saldatat kerras ruvettih kyzelemäh, kuspäi myö olemmo, mittuot rahvas paistah nengomah čomah luaduh. Meijän kieli on ylen mieldykiinittäi. Minä puaksuh tutkin paikannimilöi, ga tiijättögo, kui äijy niis ollah livvin alguperiä. Jumalah nähte nygöi on midä lugie, meigäläine Zinaida Dubinina da suomelaine arhijepiskoppu Leo kiännettih livvikse äijän kirikkökniigua, voibi pidiä sluužbii omal kielel”.

Iivananpiän ajelimmo liturgiele Čimilitsah, kunne mulloi nostettih da avattih Pyhä Ioann Predtečan časounu. Kodikas parziseinysyväin, joga obrazaine kiäritty čomendettuh käzipaikkazeh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat