Vienan Karjala

Kirjutukset vienankarjalakse

Kolme uudistu karjalakse

Karjalan Kielen Seuru piästi ilmoih kolme uuttu kniigua: L’udmila Mehedan “Suarnastu lapsih näh”, Zinaida Dubininan “Runoloi karjalakse” da Aleksandr Kräkkijevan “Ogahakas taival”. Kniigat, kuduat yhtesruavos valmistettih suomen- da ven’ankarjalazet, piästettih ilmoih karjalan kielen da kul’tuuran vuvven 2018 elvytysprogramman hantuzis,

Suarnastu lapsih näh -kniigazen ven’akse kirjutti L’udmila Mehed, karjalakse kiändi Natalja Gilojeva. Kuvat kniigah niškoi valmisti Kira Karenina, taiton on luadinuh Armi Jaloniemi. Kirjan hindu on 10 jevruo.

Runoloi karjalakse -tevoksen runot on kiändänyh Zinaida Dubinina. Taitto da čomazet on luadinuh Armi Jaloniemi. Kirjan hindu on 20 jevruo.

Aleksandr Kräkkijevan “Ogahakas taival” on enzimäine ulgomualemuuttanuon karjalazen kaunehliteratuuran tevos, kuduan piästi ilmoih KKS. Anukselazen Kräkkijevan perehel puutui nähtä muokkavuo Stalinan aijan ahtistuksis, kuduat koskiettihgi karjalazii. Sih kaččomattah Aleksandr puolisti rohkiesti omua kul’tuurua da kieldy hänen ruavon aigua da sen jällesgi. Häi muutti Suomeh mondu vuottu tagaperin. Tevoksen mustelmat da runot ollah ylen vaikuttajat. Sen ližäkse Kräkkijevan tekstas on ylen bohattua da čomua karjalan kieldy. Armi Jaloniemi on valmistanuh piirrokset da taiton. Kirjan hindu on 30 jevruo.

Tevokset voibi tilata Jovensuun toimistos 044 500 2215, kirsti.karhinen@karjal.fi da vähästy myöhembä KKS:n verkolaukas.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat