Vienan Karjala

Kirjutukset vienankarjalakse

Moskovas kuuluu suomen paginua

Mitä kuuluu? -kluuban eräs vastavus.

Mitä kuuluu? -kluuban enzimäine vastavundu rodih tuhukuus vuvvennu 2016. Kluuban alguhpanijannu oli matemuatiekan da informuatiekan opastai Julija Järvinen, kudai maltau paista suomekse. Nygöi Julija eläy Suomes, a paginkluuban vastavuksii tartui vedämäh Moskovas eläi petroskoilaine Polina Lesonen. Polina on loppenuh Petroskoin valdivonyliopiston Baltiekkumeren-suomelazen filolougien da kul’tuuran tiedokunnan vuvvennu 2009.

Moskovas eläjät da suomekse pagizijat rahvas kerävytäh yhteh kafeeh da paistah suomekse kerran nedälis. Jogahizel vastavuksel on oma valmehekse pandu mieldykiinnittäi aihe – oza, ystävys, miehet da naizet, diskriminatsii, eriluaduzet pruazniekat da muudu. Vastavuksen aihe on tietois edukädeh. Sen libo tämän aihien sanastuo voibi kaččuo kluuban VK-joukos. Rahvas vastavuksel paistah, vastatah kyzymyksih da sanellah omii mielii...

Ku elänettö Moskovas da tahtonetto paista suomekse, tulgua Mitä kuuluu? -kluubah! Sen aigulistua suau kaččuo kluuban internet-sivul vk.com/suomenkerho.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat