Vienan Karjala

Kirjutukset vienankarjalakse

Kinnermän arbaitus

Kylän keskes seizou Smolenskoin jumaldoman časounu. // Kuva: Ol’ga Dubitskaja, “Oma Mua”.

Kuvven kilometrin piäs Vieljärven kyläspäi olii pikkaraine Kinnermy on aiga kuulužu kui Ven’al, mugai rajan tagan. Vuvvennu 2016 Kinnermy puutui Ven’an kaunehimien kylien joukkoh. Sen jälles tänne rubei käymäh endisty enämbi rahvastu. Suuris linnois eläjil on mieleh puuttuo ennevahnallizeh karjalazeh kyläh, kudai ei äijäl muuttunuh jälgimäzen puolentostusuan vuvven aigua. Turistoile sanellah Kinnermän histouries, dai kerrotah, mis on tulluh kylän nimi. Sellitysty on moni, ga kudaibo on oigei?

Kinnerin kylä

– Sanotah, ku meijän kyläs eli mužikku, kudamua kučuttih Kinnerikse. Häi oli ylen vägevy da söi kerras suuren puan lihua da kandoi yksinäh parren. Häi oli eräs enzimäzii kylän eläjii. Hänen mugah tuli meijän kylän nimi, sanou nuori kinnermäläine Ivan Kalmikov.

Sanotah, rahvas tänne azetuttih elämäh, ku ymbäri oli ylen äijy hyviä vägeviä muadu. Enne tiä kazvatettih vil’l’ua, nagristu da kartohkua. Sendäh kyläläzil nimis ei olluh hädiä, hyö ei käydy kazakoimah. Kinnermy oli bohattu kylä. Juuri sendäh Pyhän Jumaldoman jiäksindähizes časounazes oli äijy kallistu obrazua, ku rahvahal oli midä tuvva tänne.

Kalmikovan Iivanan nuorembal vellel Johoral, kudai jo mondu vuottu pidäy ekskursieloi turistoile, on vie yksi Kinnermän nimen sellitys:

– Rahvas ajettih hevol mečän kauti. Da konzu tuldih täl mäel, heijän hevol katkei jalgu. Juuri sit kohtas, kuduadu sanotah kinnerikse. Rahvas azetuttih täh kohtah da jiädih elämäh. Hyö zavodittih srojie meijän kyliä...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat