Vienan Karjala

Kirjutukset vienankarjalakse

Magiedu luonnollistu vuassua Uvves Vilgaspäi

Art’om Martinov vuassua tarjomas. // Kuva: Kuvat on otettu vk.com/karjalakvas-joukospäi.

Kymmene vuottu Uvves Vilgas elänyh Art’om Martinov on uskaldannuh ottuakseh yrittäjäkse. Vuozi tagaperin häi otti vuograh puolen rakendustu da osti laittehet vuasan valmistamizeh. Enne sidä mies valmisti vuassua vaigu omah pereheh niškoi.

– Monivuodizes himoruavos rodih ruado. Enzimäi valmistin eri maguu vuassua da taričin juomistu dovarišoile da tuttavile da sen kauti tutkin heijän magutoivomuksii. Minä kulutin mondu tuhattu litrua vetty enne, ku leibyvuasan magu rodih mieldy myö, sanou yrittäi.

Leibyvuasan valmistukses yrittäi ei käytä tevolližusdroždiedu. Sendäh juomine on tervelline da vähäkalorine. Ruiszuuhariloi mies tiluau monis leibypastamolois da ostau kukkumetty Krasnodaran piiris. Vezi on paikallizes silmykaivospäi. Vuasan tuotando on suurimilleh kezäaigua, konzu valmistetah 2500-3000 litrua juomistu kuus. Karjalas leibyvuasan tarveh riippuu siäs. Viiliel siäl rahvas parembah ostetah muudu juomistu.

– Leibyvuasan kyzyndy on sivottu siäh. Kezäkuus oli vaigei myvvä vuassua vihmazen da viilien siän periä. Myvvä vuassua Petroskois allettih talvel. Monis laukois piettih leibyvuasan degustatsii da juomizen kuulužus kazvoi juuri talvel, sellitti Art’om Martinov.

Sobimuksii vuasan varustukses kezäaijakse täydyy

Yrittäjän mugah monet rahvas ei ellendä, ku leibyvuassua voibi juvva, sanommo, kylyn jälles lämmiä vuvvenaigua vuottamattah. Erähät laukat allekirjutetah sobimukset, kudualoin mugah vuassua myvväh vaigu kezäaigua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat