Vienan Karjala

Kirjutukset vienankarjalakse

Puolen vuvven tapoksel

Natalja Sinitskaja omas ruadopertis. // Kuva: Ol’ga Smotrova, “Oma Mua”

– Natalja, meni puoli vuottu aigua ruvettuu Periodika-julguamon johtajakse. Varmahgi se on olluh jygevin aigu. Vai kui tunnet omua iččie täs virras?

– Tottu sanuo, se oli jygei aigu. Konzu ruat mistahto laitokses, ga ozutahes, rounoku tunnet ruavon. Ga mene vai ottai sih samazeh ruadoh toizes n’okas, dai tiijustat. Konzu olet lehten piätoimittajannu, vastuat vaigu oman toimituksen ruavos, omis ruadajis, heijän kirjutuksis. Konzu olet julguamon piälikkö, kuduah kuuluu kolme lehtie da kaksi žurnualua, vastuttu on vähimite viideh kerdah enämbi. Toine suuri hommu on se kodi, kuduas on olemas “Periodika”. Se on suuri kolmekerroksine taloi Petroskoin keskilinnua. Se pidäy olla hyväs kunnos da por’adnas. Da sih pidäy ynnälline tukku dengua. Konzu levo vajattau da konzu alustu pidäy lujoittua, ga ottai vai mih. Hos levon kezäs paikaimmo, ga se pidäs kohendua kunnon luaduh da kui vai vois rutombah.

– Tuligo “Periodikah” midä uudistu sinun tulduu? Maltatgo sanuo, suaugo lähiaijakse jatkua kaikkien viijen julgavon elaigua? Midä olis pluanois?

– Toinah minun tulduu ei nimidä muuttunuh ylen äijäl. Kaikkien julgavoloin painandua rubiemmo jatkamah. Rodieugo midä muutostu, ga, tiettäväine, rodieu. Lehtet da žurnualat kaiken aigua muututah vähitellen. Toiči sidä kerras et ni vihjua, ga livualdas vai mennytvuodizet julgavot, dai näit. Kaikis tärgevin ruado tuliekse aigua olis enzimäzen kerroksen pertilöin kohendamine, kus tahtommo luadie baltiekkumerensuomelazien kanzoin keskus. Nygöi nämmii remonturuadoloi luajimmo omih varoih, niilöih dengoih, kuduat julguamo on suannuh mennyt vuon. Tuliekse vuotammo, tiettäväine, valdivon abuu. Kanzallizen poliitiekan ministerstvan ruadajat kirjutettih Moskovah da uskommo, ku siepäi annetah myödäine vastavus da tulou denguabuu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat