Vienan Karjala

Kirjutukset vienankarjalakse

Kandurahvahien päivän iluo

Tänävuon kruugan vedäjänny oli Karjala-ansamblin ohjuaju Andrei Anisimov. // Kuva: Ol’ga Dubitskaja, “Oma Mua”.

Karjalaine kruugu

Kirovan lagevol, Karjalan Rahvahan Liitto jo tostu kerdua pidi Karjalaine kruugu -flash mobua.

Tänävuon pruazniekan vedäjänny oli räppäri Ondrei (Andrei Gorškov), kruugua vedi Andrei Anisimov, Karjala-ansamblin johtai. Pivos oli äijy rahvastu eriluaduzis kanzallizis ruutis – karjalazis, suomelazis, vepsäläzis. Kruugas sai nähtä Karjalan tazavallan kolmevärine fluagu.

Tänävuon, politsiimiehien sanoin mugah, kruugah ytyi läs 250 hengie, kuduat tansittih kruugua läs puoldu čuassuu.

Sen jälles äijät rahvas kruugas siirryttih KarjalaFest-illaččuh.

KarjalaFest

KarjalaFest-illaččuu piettih jo kolmattu kerdua. Enzimästy kerdua se oli vuvvennu 2015, sit mulloi da tänävuon. Sen alguhpanijannu on Vkontakte-saitan Karjalan kielel – virralline -sivun administratsii.

Paiči pajoloi illačus sai kuunneltagi luvendoloi. Karjalankieline räppäri Ondrei pajatti omii räppi-pajoloi. Suurennu yllätyksenny kaikile kaččojile oli nuorin räppäri – On’a (Andrei Stafejev) Vieljärvespäi. Täs karjalazes brihačus kirjutimmo tänävuon (“Oma Mua”, n:o 14). On’a da Ondrei yhtes räpätettih Terveh teile -kappalehtu. Se oli On’an huaveh räpättiä yhtes Ondrienke...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat