Karjalan šohuu TV:h!
Telegost’at kuvattihgi videokliipan Darjaine-Marjaine -pajoh, kuduadu pajatettih yhtes paikallizien muzikantoinke. Sih niškoi Ruslan Faršatoval (oigiel enzimäzes riävys) pidi panna mustoh tämän pajon sanat da muuzikku. // Kuva: Kuva on otettu vk.com/wearekultura
Karjalas Ruslan Faršatov, Zvuki vs’udu -telešoun juondai, yhtes kuvuamisjoukonke tallendi eriluadustu iändy da šohinehtu, kuduadu kuuluu Karjalas: kandelehen soittuo, šohinehtu, kudai kuuluu šipainiekoin kuorii ajajes, Kivač-kosken kohinehtu da muudu. Sen jälles brihat yhtistetäh iänet da šohinehet yhteh da luajitah meloudien.
Gost’at kävähtihes Č’ortov stul -kohtah, Kinnermäh, Kižin suarele, Čalnah TalviUkon kodih, Jänölöin alangoh (Uuzi nähtävys Šuojun stansien lohkol) da toizih kohtih.
– Karjal, tiijättögo, on suuri da kummakas, kirjutti Roman Faršatov omas instagramas.
Programmu Karjalah nähte rodieu sygyzyl Pojehali! -federuallizen TV- kanualan efiiras.
-
Työnnä kirjutuš
-
Lövvit ku hairahtuksen, kirjuta meile!
Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.