Vienan Karjala

Kirjutukset vienankarjalakse

Kondraatien kodi Jovel

Koin ižändy Vladimir Ignatovič da Antonina Potahina, kudamal on duačču Jovenkyläs. // Kuva: Ol’ga Ogneva, “Oma Mua”.

Enzimästy kerdua Mikitän kyliä Šuojunjoven rannal mainittih 455 vuottu tagaperin, vie vuvvennu 1563 Oniegujärven viijendeksen verokirjas. Tännesäh Jovenkylän Yläagjua sanotah Mikitän agjakse. Nikitinat nostettih suuren kaksikerdahizen koingi, kuduan pertipuoli nygöi on piällystetty valpahanvihandal saidingal. Koin nygöine ižändy Vladimir Ivanovič Ignatovič tarkah tiedäy koin nostandupäivän. Se on kirjutettu vuiškan pertin seinäl. Vuiškal nostuu jyrkis pordahis suurikazvozel ižändäl pidäy mennä kahtenkerdai. Pertin uksi on ylen madal. Piirdimel kirjutettu kirjutus parembi nägyy, ku käis ollou fonari:

– Täh on kirjutettu: “kaksikymmen viijes vuozi, 14. nojabr’a”, ozuttau Vladimir Ivanovič.

Kirjutuksen jätettih koin nostajat, Vladimir Ivanovičan died’o da pruavodied’o – Nikitinat Ivan Ivanič da Ivan Kondratjevič.

– Täs enne oli vie toine kodi, sit nimigi meijän koil on Kondraatien kodi. Se vahnembi vie oli died’o, sanou Vladimir Ivanovič. – Died’o nosti koin omah pereheh niškoi. Pereh ei olluh suuri. Heidy oli tuatto, muamo, sit tuatan muamo, minun pruavobuabo Anna Jegorovna, sit died’o da buabo, häi tuli miehele Kiviniemespäi, died’on sizär Natalja da lapset, kaksi neičykkiä, minun muamo da hänen sizär, minun tädi, luvettelou Vladimir Ivanovič...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat