Vienan Karjala

Kirjutukset vienankarjalakse

Kalevalan kaunottaret piäštih etujoukkoh

Voittoprojektin etuštajat: Tatjana Golovina (Belomorsk) ta Alevtina Lesonen (Kalevala) // Kuva: Pekka Mittojev

Kalevalatalo- etnokulttuurikeškuš otti ošua Yleisvenäläiseh tapahtumaturismin Russia Event Expo -näyttelyh, mi piettih elokuun lopušša Petroskoissa. Näyttelyššä oli esillä yli nelläkymmentä projektie melkein kaikilta Venäjän Federatijon alovehilta – Čuvašijan tašavallašta ta Habarovskin alovehpiiristä alkuan Krasnodarin alovehpiirih, Tuulan ta Orenburgin aloveheh šuaten. Kaikki nämä projektit oli piäšty voittajien listoilla V Yleisvenäläisen tapahtumaturismin kilpailun valintavaihiešša.  

Kilpailun arvoštelijakuntah kuuluttih bisnessimiehet šekä tunnetut turismi-, urheilu- ta kulttuurialan ekspertit Venäjältä ta ulkomailta.

Kilpailun tulokšet oli ilmotettu 29. elokuuta. Yhekšän projektin joukošta, mit oli esitetty Projekti-ideja -nominatijošša, Kalevalatalon esittämä Kalevalan kaunottaret - projekti piäsi kunnivoitetulla toisella šijalla.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat