Vienan Karjala

Kirjutukset vienankarjalakse

Kusbo elät, vatussi?

Muskushäkki eläy loitomba pohjazes, migu toizet kabjuelätit. // Kuva: Ol’ga Dubitskaja, “Oma Mua”.

“Karjalan zooparku” on suurin zooparku Ven’an luodehes. Sie on läs 500 elättii da 90 linduu. Zooparkas on äijy eriluadustu kabjuelättii – pedrua, guanakkuo, lamua, al’pakkua, juakkua, muflonua da muudu.

On äijy suvielättigi – verbl’uudua, straussua. On sie pedoelättiigi – tigru Kleopatra da puuma Ričard. Niidy suau kaččuo kui pihal, muga i ferman sydämes, konzu net tullah lähäle, a ollah st’oklan tagan. Nuoret “kažit” ollah ylen čomat da elostelijat.

Zooparkan keskes on linduloin parku, kuduas on meččy-, dai kodilinduu – eriluadustu kanua, haukkua, muuttohaukkua, pöllyö, hyybiedy, korbivaroidu da muudu. Jouččenien da hanhiloin valjerois ollah lammikot, kus linnut voijah uidua.

Kenbo teis nägi Karjalas pavlinkukoidu? A valgiedu pavlinkukoidu? Net ollah ylen čomat linnut parahite silloi, konzu net oijendetah suurdu lumivalgiedu händiä.

A mittumat čomat ollah pöllöt! Niilöil ollah turbiet karvukäbälät, buite ku untat pol’arniekoil.

On zooparku pikoipienihgi niškoi. Sie on lammastu, poni-hebuo, mini-häkkii, al’pakkua, boššii, hanhie, joučendu da muudu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat