Vienan Karjala

Kirjutukset vienankarjalakse

Sada vuottu histouriedu kaiččemas

Arhiivan taloi Kuibiševan pihal on nostettu vuvvennu 1962.

“Kämmenis pidiä aigua”

Karjalan Kanzalline arhiivu ainos valmistau ozutteluloi eriluaduzien laitoksien da Tazavallan tundiettuloin ristikanzoin vuozipäiväkse. Arhiivulaitoksien 100-vuozipäiväkse Kanzallizen arhiivan ruadajat valmistettih ozuttelun “Kämmenis pidiä aigua. Karjalan valdivollizien arhiivulaitoksien aigukirju”.

Ozuttelus voibi kaččuo vahnoi fotokuvii da dokumentoi, kudualoi kaikkien säilytyssiändölöin mugah pietäh ruokos arhiivutaloin pertilöis.

Vahnoin dokumentoin mugah voibi suaja eri tieduo – ken oli Karjalan tazavallan arhiivan enzimäzenny johtajannu, kus da kui oldih ruokos vahnat dokumentat. Ei kaikin tietä, ku Suuren Ižänmuallizen voinan aigua arhiivan dokumentat oldih evakos eri linnoih. Jälles voinua dokumentat tuodih järilleh Ptroskoih.

Paiči dokumentoi da fotokuvii, ozutteluh oli pandu kačottavakse kaikenmostu ezinehty, kuduat arhiivan ruadajat ihan petties löyttih vahnoi dokumentoi šelailtes. Niilöin joukos oldih raudahine kirjutussulgu, vahnu kirjutin, Aleksandr Puškinan aigahine kirjutushanhisulgu, eriluaduzet kiinittimet, kai voinanaigaine bul’ku, kudai, ozakse, ei surmannuh nikedä, a tartui arhiivudokumentah.

Kämmenis pidiä aigua. Karjalan valdivon arhiivulaitoksien aigukirju -ozuttelu on sijoitettu arhiivan saitale www.rkna.ru...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat