Vienan Karjala

Kirjutukset vienankarjalakse

“Ei ole muailmas tostu, Videlen kyläzen mostu”

Kniigan prezentatsien jälles Oma Mua -lehten toimituksen ruadai Margarita Kemppainen saneli XII-luvun karjalazes ruutas. Iččeh ommeltuloih sobih Margarita sellitti paikallizii eläjii. // Kuva: Ol’ga Smotrova, “Oma Mua”

Toinah pihal händy ei joga toine tunnusta, ga naizen iäni jo kahteskymmenes kaheksas vuozi kuuluu Karjalan raadivos. Anna vedäy literatuuruprogrammoi, hänen ruado on kiini karjalankielizes literatuuras, kirjuttajis, runolois da prouzas. Toinah raadivontoimittajan leivis olles Anna ičegi rubei kirjuttamah. Hänen enzimäzet runot oldih painettu Taival-al’manuahah da Oma Mua -lehteh. Anna Usovan runokogomus voitti Kanzallizen da alovehellizen poliitiekan ministerstvan kniigukilvas da nägi päivänvalgien vuvvennu 2017. Kniigale pandin nimi “Lyhyt sana “oza”. Kniigan prezentatsieloi jo piettih Petroskoil, Anuksenlinnas da Vieljärves, syvyskuun 30. päivänny sidä ezitettih Videlesgi.

– Ylen äijäl varaittau ezittyö omas kyläs. Toizis kylis, kus olet vieras, on äijiä kebjiembi, sanoi Anna enne matkah lähtendiä.

Anna rodivui da kazvoi Videles, ylen äijäl suvaiččou omua kodoilua– Videlen kyliä, Luadogan randua, meččiä. Sendäh äijän runuo Anna omistau juuri omale muale, sen rahvahale da kodirannale... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat