Vienan Karjala

Kirjutukset vienankarjalakse

Koin kallistu venčua omin käzin

Juhann ozuttau omin käzin luajittuu Tverin gubernien venčua. // Kuva: Ol’ga Dubitskaja, “Oma Mua”.

Sanotah, ku nerokas ristikanzu on nerokas joga ruavos. Juhann Nikadimus luadiu perindöllizii venčoi, pajattau muuzikkujoukos. Miehel on hyvä juumorantundo.

Moskovas eläjän Juhann Nikadimusanke myö tuttavuimmo tänävuon syvyskuus Belomorskas, konzu tulimmo sinne Neroniekoin vastavundat -projektan mugah. Sen projektan alguhpanijannu on ECHO-assotsiatsii. Niken ei smekninyh, ku tämä nuori parrakas mies luadiu moizii čomii piähpandavii.

– Minä olen Juhann Nikadimus. Tämä on minun tovvelline nimi pasportan mugah. Minun muamo on ven’alaine, tuatto – assiirielaine, algai omua kerdomustu Juhann.

Jo enämbi kolmie vuottu Juhann luadiu venčoi. Kokošniekkoi, kui iče Juhann sanou kaikkii tämänmoizii piähpandavii.

– Enzimäzen venčan minä luajin kolme vuottu tagaperin. Kai algavui sit, ku minä tahtoin, ku neidizen venčan kuva olis minun muuzikkujoukon uvven CD-levyn kannel. Nigo muzeit, nigo keräilijät ei anneta sidä meile. Pidi luadie ičel. Alloin tiijustua da lugie, kui sidä luadie. Minun eräs tuttavu neroniekku, kullitul niitil kirjoindai Irina Nikolajeva, opasti, kui pidäy luadie kuavua fotokuvien mugah, sanoi mies...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat