Vienan Karjala

Kirjutukset vienankarjalakse

Silmänlipahtus: Iänen hengitys

Dmitrii D’omin (oigiel) valmistau soittimii monih muuzikkujoukkoloih niškoi. 0+ // Kuva: O’lga Dubitskaja, “Oma Mua”

Dmitrii D’omin on soittimien muasteri. Mies ruadau Petroskoin Glazunovan nimizes konservatouries muuzikan opastajannu da soittimien kohendajannu, soittau Sattuma-muuzikkujoukos.

Iänen hengitys -ozutteluh on pandu kačottavakse enämbi nelliäkymmendy tuohes, puus da sarves luajittuu suomelas-ugrilastu soitindu. Juuri tämänmoizil soittimil meijän ezi-ižät soitettih enämbi 100 vuottu tagaperin.

Ozuttelu ruadau ligakuun 29. päiväh suate Neroloin talois adresil Petroskoi, Kirovan piha, 13.

Joga nellättypäiviä 17.00-19.00 aigua pietäh master-kluasat “Torvi omin käzin. Luajimmo – soitammo”.

Ligakuun 20. päivänny Dmitrii D’omin kuččuu vastavuksele kaikkii, ket tahtottas enämbän tiijustua suomelas-ugrilazis soittimis da niilöin luajindas.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat