Vienan Karjala

Kirjutukset vienankarjalakse

Kala ja marjapojat -yrityš hommuau ukonkuarilohen šekä järvi- ta jokikalan viljelyö ta muokkaušta.

Kala ja marjapojat -yritykšen projektie šeuruau Karjalan kehitykšen joukkokunta, a šen realisointie kannattau KT:n mua- ta kalataloukšen ministerijö.

Karjalan kehitykšen joukkokunnan spesialistit valittih kaupunkin alovehella šopivie paikkoja, missä vois ašettua kiertävie myöntipaviljonija.

Projekti, kumpasen tuotantoteho on 84 tonnie myötyö kalua vuuvvešša, šuunnitellah realisoija vuosina 2018–2020. Šen hinta alkuhpanijan šanojen mukah tulou noin viisi miljonua rupl’ua. Projektin toteuttamisen jälkeh avatah 12 työpaikkua.

Myöntipaviljonija šuunnitellah rakentua yheššä Koštamukšen Kala ja marjapojat - firman kera. Yrityš hommuau ukonkuarilohen šekä järvi- ta jokikalan viljelyö ta muokkaušta, šamoin še piäštäy kalapuolivalmistehie Karjalan alovehella. Kanšainvälisillä ruokatavaranäyttelyillä firman tuottehie monta kertua palkittih kulta- ta hopiemitaliloilla.

Projektin realisointi antau mahollisuon leventyä kalatuottehen lajitelmua Petroskoin vähittäiskaupoissa ympäri vuuvven.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat