Vienan Karjala

Kirjutukset vienankarjalakse

Meijän Tampere

Nygöi karjalan kielen opastujien joukos on kymmene hengie. Opastajannu on Sanna-Riikka Knuuttila (randimaineoigiel). // Kuva: Mikko Koskinen.

Täs Tamperen alovehen ruadorahvahan opiston kursilazet kirjutetah, mittuine linnu on Tampere. Hyvä tiä on opastuo, ga Karjalah on ylen pitky matku, jygei on ajella. Tulgua työ Tamperele, myö mielihyväl otammo teidy vastah.

Lähtemmö yhtes kaččomah linnua. Äijy ongi kačeltavua: taloloi, puustoloi, mustopaččahii. Mi on sinul himoruado, sidä voit ruadua tiägi.

Enzimäi vähäzen fiiziellisty kul’tuurua. Kerras voimmo hiihtiä Kaupis libo juoksendella mečäs Pyynikin harjul, vot mittuine sie on landšaftu! Otammo keral uindusovat, lähtemmö Kalevan uinduallikkoh uidelemah, opimmo vezigimnastiekkua da vezijuoksuu. Kylyh voit kävvä Rauhaniemen rahvahan kylyh, järveh piäzet kezäl dai talvel. Vies tulou nälgy, lähtemmö murginoimah. Tamperel on äijy hyviä restoruanua, voit syvvä hos gruuzielastu, hos nepalilastu, hos kitaiskoidu syömisty. Ga tozi tamperelaine syöy bazaril mustua kalbassuu buoluvaren’n’anke.

Muumit eletäh Tamperel

Muailman ainavo Muumi-taijon muzeikeräilemy on Tampere-talois. Sie myö tuttavummo Tove Janssonan da Tuulikki Pietilän Muumiloih.

Ozuttelu “Kuinkas sitten kävikään” tottu ihastuttau kaikenigäzii Muumiloin da kuvataijon suvaiččijoi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat