Vienan Karjala

Kirjutukset vienankarjalakse

Petroskoi tutkijoin silmin

Kanzallizen muzein johtai Mihail Goldenberg kuččuu petroskoilazii Petroskoin histouriele omistettuloih luvendoloih. // Kuva: Kuva on otettu vk.com/rk_nationalmuseum

Jo tostu vuottu Karjalan Kanzallizes muzeis pietäh luvendoloi rahvahah niškoi. Tänä vuon luvendot pietäh toissarres piätteniččäh pakkaskuun 23. päiväs algajen tuhukuun 9. päivässäh. Täl kerdua muzeis lugietah 12 luvenduo, kuduat ollah tarkoitettu ekskursienvedäjile, kodirannan tiedäjile da kaikile, kedä kiinnostuttau Karjalan histourii.

Mennyt nedälil tiedomiehet kerrottih Karjalan paikannimlöis, Martsial’nije vodi -kurortas, Petroskoin mustopaččahis da muga sanotus Tsuarin dorogas.

Mennyt nellänpiän piettih Jogahizel linnal on oma taba -luvendogi, kuduan lugi pedagougien kandiduatu, dotsentu da Karjalan Kanzallizen muzein piälikkö Mihail Goldenberg. Tiedomies kehoitti kuundelijoi kaččelemah omua Petroskoin linnua toizis kulmis. Sanommo, geolougien puoles Petroskoi on morena libo endine meren pohju. Linnan omaluaduzel muapinnal on aiga jygei nostua taloloi. Sanommo, Kl’učevaja-mikropiiris on äijy silmykaivuo, Drevl’anka-mikropiiri on nostettu suomualoil. Mihail Goldenbergan mugah, Petroskoin turvallizin kohtu on Kukonmägi, sendäh ku se on sijoitannuhes kallivole... 

Luvendoloin aigulistu

31. pakkaskuudu “Charles Gascoigne Petroskois” (lugijannu Mihail Goldenberg).

1. tuhukuudu “Kirikkölagevon histourii” (lugijannu L’udmila Kapusta).

2. tuhukuudu “Petroskoi vuozinnu 1917-1922” (lugijannu L’udmila Kapusta).

6. tuhukuudu “Ameriekan suomelazet Karjalas” (lugijannu Irina Takala).

7. tuhukuudu “Okkupatsii Petroskois vuozinnu 1941-1944” (lugijannu Sergei Verigin).

8. tuhukuudu “Nikita Sergejevič Hruščovan matkat Petroskoih” (lugijannu Mihail Goldenberg).

9. tuhukuudu “Karjalan talovus nygyaigua” (lugijannu Nikolai Kolesnikov).

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat