Vienan Karjala

Kirjutukset vienankarjalakse

Yhty kandueläjien školah

Periodika-julguamon ruadai da kanzallizien ruuttien muasteri Natalja Denisova pidäy Nieglomine yhtel nieglal- da Vyölöin kudomine laudazil -nimizii master-kluassoi. Häi opastau rahvastu muinazih ruadotehniekköih. Enzimäzet tahtojat jo opittih omii vägii n // Kuva: Ol'ga Smotrova

Karjalan kandueläjien rahvahalline škola -projektan todevuttamizeh vuvvennu 2018 Nevond-keskus sai Karjalan tazavallan piämiehen abuden’gua. Grantan suurus on 442 tuhattu 150 rubl’ua. Projektan tarkoituksennu on kerduo Karjalan kandueläjien kul’tuuras da tavois da ozuttua, ku vähäluguzien rahvahien kielet da perindöt ollah pädijät nygyaigazes muailmas. Rahvahalline škola rubieu toimimah tämän vuvven talvikuussah.

– Rahvahallizen školan projektu on Karjalan tazavallan karjalazien, vepsäläzien da suomelazien resursukielikeskuksen ruavon algu. Tahtozimmo, ku uvves resursukeskukses tiijustas enämbi rahvastu, ku rahvas yhtyttäs keskuksen erilazih pidoloih, sanou Nevond-keskuksen piälikkö Alina Čuburova.

Rahvahallizeh školah kuulutah erilazet pivot: master-kluasat, luvendot da vastavukset...

Kirjuttuakseh master-kluassoih voibi telefonas 78-03-15. Master-kluassoih “Komiksat kanzallizil kielil” voibi kirjoittuakseh telefonas 78-05-10 (Oma Mua -lehten toimitus).

Ližiä tieduo projektan pidolois da aigulistas voibi suaja Resursukielikeskuksen internet-sivul vk.com/mediacenter_periodika

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat