Sampo-melličiä ottamas

Kižan jo arvostettih Petroskoin karjalan kielen kursiloin opastujat da Kajahuš-ansamblih kuulujat. Hos kiža vie ei olluh kogonah valmis, ga ozuttihes ylen mieldykiinnitäjäkse.

“Sampo-melličiä ottamas” on Kalevala-eeposan pohjal luajittu kiža. Kižuajile pidäy “piästä” Sampo-melliččässäh da “vediä” se lähtökohtale.

Jogahizel kižapersonuažal – Väinämözel, Ilmoillizel, Lemminkäzel, Joukahazel, Turahal da Sampsa Pellervozel – on oma väin da intellektan tazo. Kižuajien tiel on äijy eriluadustu vaigevustu – Louhen griezat, pedoelätit, estiet, kuduat toizet kižuajat voijah luadie sinun tiel. Kižates voibi suaja bonussoi, uardehii, luadie eriluadustu harjaitustu. Kui äijih toizihgi strateegistolakižoih, Sampo-melličiä ottamas -kižah menöy puolitostu-kaksi čuassuu...