Vienan Karjala

Kirjutukset vienankarjalakse

Toimituksen gost’u: Martti Penttonen

Angelina, Arina, Aleksandra, Darja da Aleksandra Martti Penttozen (kuvas) urokal. // Kuva: Ol'ga Gokkojeva

“Oman Muan” ammuzii dovariššoi on Kuopios eläi karjalaine Martti Penttonen. Mies on hyvin tuttu Karjalas, enimyölleh Vieljärven lohkol.

Mennyt nedälil häi kui ainosgi tuli toimitukseh ilomielel da oijendi kilogrammahizen pačkan čuajuu da tukun n’amuu: “Täs ollah minun vellat teile”.

Martis juumorantunduo voibi velgah kyzyö, ga šuutkupaginoinke rinnal eistytäh edehpäi tärgiet ruavot.

Martti tuli Petroskoih Vieljärven kyläspäi, Karjalan Kielen Kois häi opastau lapsile robotiekkua da tiedokonehen käyttyö. Petroskoil hänel oli muudu ruaduo: šeikuija Tove Janssonan erähän Muumi-kirjan kiännösty sen karjalakse kiändäjän Natalja Sinitskajanke (ruado Muumi-kniigoin kiändämizekse kestäy jo äijän vuottu), vastavuo Kielen, histourien da literatuuran instituutan ruadajan Irina Novakan kel – hyö mollembat jo viijetty vuottu ollah ruadamas Verdailii karjalan kielioppi -projektas, kudaman on kannatannuh suomelaine Koneen Säätiö -fondu. 

Ohjelmoimah robottoi informatiekan professoru Martti opastau lapsii jo kolmattu vuottu. Yhtelläh opastamizen piälimäine tarkoitus on kiinnostuttua lapsii karjalan kieleh tiedokonehen kauti. Enzimäi Martti opasti ohjelmoimah Sphero-miäččyrobottua, siirdiä sidä latettu myöte smartfonan vuoh, jällespäi opastandah niškoi Martti sai jo kävelijän Martti-robotan da sen vellen Aleksander-robotan. Tänäpäi vähä kel lapsis on mahtuo opastuo robotiekkah, ga Vieljärven lapsil moine mahto on. Tänävuon Martti on ruvennuh opastamah lapsile argiruadolois tarvittavua tiedotehniekkua. Martti ozuttigi kuvankäzittelyn ezimerkinny suurdu Vieljärven ymbäristön kartua, kudai kerättih tiedokonehen avul pienis google-satelliittikartois... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat