Vienan Karjala

Kirjutukset vienankarjalakse

Karjalan Kielen Kodi todevattau valdivollistu projektua

Jušin pereh (Jevgenii, Irina Jegorovat da kaksivuodehine Makar-poigah) kieliepezän kauti ruvettih puaksumbah kuulemah karjalan kieldy. Brihačun nuoret vahnembat mollei ollah karjalazet kaikis puolispäi, ga karjalakse pahakse mielekse jo ei malteta. // Kuva: Anni Zaharova.

Vieljärven kyläs olii Karjalan Kielen Kodi sai tänä vuon läs puoldu mil’l’onua rubl’ua subsiidiedu Karjalan tazavallan b’udžietaspäi Kanzallizen poliitiekan ministerstvan kauti omih ruandoih. Projektu matkai enämbi puoldu vuottu da on loppumizillehpäi. Midä hyviä suadih aigah?

“Turu-turu-tuššii” – kinot ozutetah kuavua

Anna minule muamankieli – tämänmoizen projektan suandah pyrgihes Karjalan Kielen Kodi vuvven allus da sai kannatustu. Projektan enimät ruavot koskettihes lapsii da perehii, karjalan kielen neruo rahvahan keskes da tiedoloin levittämisty.

Karjalan Kielen Kois kaksi vuottu ruadau kielipezä, kus karjalankielisty päivyhoiduo suau yheksä eri-igähisty lastu. Suurin vuitti projektan toimehis pyörihes kielipezäs ymbäri. Aigah ollah tulemas kaksi kolmekymmenminuuttahistu kinuo, kunne ozavutah lapset da heijän sugulazet. Kinoloin kauti Karjalan Kielen Kodi oppiu ozuttua, kui voibi opastua lapsii karjalan kieleh silloi, konzu sidä jo ei paista heile vahnembat da kui vobi kiändiä kielen puoleh nuorii vahnembii. Kinolois suau kuulta kui ennevahnallistu, mugai jo tämänaijallistu karjalan kieldy, suau tiijustua, midä lapsile lugiettih ennevahnas da midä suau paista nygöi. Äijy midä on ezitetty mustoh da käyttöh otettavakse. Mollembat videot roitah pujoitetut internettah välläh käyttöh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat