Vienan Karjala

Kirjutukset vienankarjalakse

Kiännämmö yhtes

Tekstua yhtes kiännettih jessoil’čat P’otr Šombin, L’udmila Fomina, Valentina Tsvetkova, Galina Volgojeva, Svetlana Sissojeva, Tamara Petrova, Galina Vasiljeva da “Oman Muan” toimittajat Valentina Mironova da Ol’ga Smotrova. // Kuva: Ol’ga Smotrova, “Oma Mua”

“Oman Muan” toimitus Karjalan Sivistysseuran kannatuksel pani rattahile Kiännämmö yhtes -projektan. Sen hantuzis “Oman Muan” toimittajat lehten lugijoin da kiändäjienke ruvetah kiändämäh yhtes kaunehliteratuuran tekstoi da uudizii. Kai yhtes kiännetyt tekstat roitah painettu Oma Mua -lehteh. Enzimäine matku projektan mugah oli Jessoilan kyläh.

– Kiändämine on jygei ruado, ku ruvennet kiändämäh päivän, piä rubieu kiehumah ku kartohkupada, a ku nedälin, ga bol’ničnoi pidäy ottua, nagrau Jessoilan kylän eläi P’otr Timofejevič Šombin, kudai rodihgi kiändäjien joukon piälimäzekse kielentiedäjäkse.

Vuvvennu 1937 Šomban kyläh rodivunnuh mies paistes oppiu olla käyttämättäh ven’an da suomen kielen sanoi, pagizou puhtastu karjalua.

Jessoil’čoin kiännettäväkse otimmo kirjuttajan Jelena Kirsanovan Koinižändy-kerdomuksen palazen. Kerdomus oli tyttözeh nähte, kudai ylen äijäl suvaičči omua kodii da hänen tyhjänpagizijäs diädäs, kudai ei maltanuh ni nuaglua iškie... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat