Vienan Karjala

Kirjutukset vienankarjalakse

Igä elä, igä kiännä

Suomelas-ugrilazien da urualan kielen kiändäjät oman johtajan Tatjana Mokšanovanke (kolmas hurualpäi). // Kuva: Boris Ponomar’ov

Moskovas 21.-24. kylmykuudu piettih master-kluasat niilöih kielentiedäjih niškoi, kuduat kiännetäh kaunehliteratuuran tevoksii Ven’an kanzallizis kielis ven’an kieleh. Pidoloih yhtyi kaksi karjalastu kiändäjiä.

Master-kluasat kiändäjih niškoi pietäh jo nellätty kerdua. Tänävuon net piettih Moskovas Aleksei Bogol’ubovan kunnivokse nimitetys Taidokirjastos. Pivon järjesti Ekonoumiekallis-sotsiuallizien programmoin -yhteiskunnalline liitto da kannatti sen Painoksen da joukkoviestimien federualline agenstvu da literatuuružurnualat “Družba narodov” (“Kanzoin ystävys”) da “Inostrannaja literatura” (“Ulgomuan literatuuru”).

Master-kluassoi endizelleh piettih kolmes kiändäjien joukos: t’urkan kielet, pohjas-kavkuazan kielet da suomelas-ugrilazet da urualan kielet. Pidoloih yhtyi piäl 20 hengie Ven’an eri čuppuloispäi, kiännettih runohuttu da prouzua. Suomelas-ugrilazien da urualan kielien joukos oli kaheksa hengie, niilöin keskes oligi kaksi neidisty Karjalaspäi – Petroskoin valdivonyliopiston opastai Anastasija Afanasjeva da “Oman Muan” toimittai Elina Potapova...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat