“Kummalline vakkaine” ven’akse da livvikse

On nähnyh päivänvalgien petroskoilazen kirjuttajan Jelena Harlamovan runokniigu lapsile “Kummalline vakkaine”. Kniigu on kahtel kielel – ven’akse da karjalakse. Runot on kiändänyh livvikse kotkatjärveläine kiändäi da kirjuttai Zinaida Dubinina.

Jelena Harlamovan runoloi painetah Kipinä-žurnualah, net ollah vesselät da mieldykiinnittäjät. Tämä on jo toine kirjuttajan kniigu, kudai jullattih Periodikas. Enzimäine S neba padali l’aguški (Taivahas pakuttih löpšöit) -kniigu oli vaiku ven’akse.

Kniigu on piästetty ilmoih Periodika-julguamos Kanzallizen da alovehellizen poliitiekan ministerstvan kannatuksel. Kniigan painosmiäry on 500 palua, se voibi suaja ilmai Kanzallizen da alovehellizen poliitiekan ministerstvas.