Vienan Karjala

Kirjutukset vienankarjalakse

Huoldu veteruanoile

Irina Prohorova ozuttau muzeiezinehty kirjaston tilois. // Kuva: Elina Potapova, “Oma Mua”.

Tänävuon Petroskoin kodi-internuattu veteruanoih niškoi täytti 30 vuottu. Laitokses pietäh jogapäivästy huoldu 210 ristikanzas. Kuibo eletäh da midä ruatah veteruanat, meile kerdoi internuatan piämiehen sijahine Irina Prohorova.

Kodi-internuattu avattih Petroskoih talvikuun 6. päivänny vuvvennu 1988. Internuatas eläy Suureh Ižänmuallizeh Voinah yhtynyzii, ruadoveteruanoi da hädäh puuttunuzii ruavahii ristikanzoi. Rahvastu tulou internuattah Karjalan eri čuppuloispäi. Heis pietäh huoldu läbi suutkat. Kaikkiedah internuatas ruadau 130 hengie. Vuvves 2015 algajen internuattua johtau Andrei Kaširin.

Internuatan taloi on sijoitannuhes čomah kohtah mečän reunah, Kurgan-sportukompleksan viereh. Yheksäkerroksizeh kirpiččytaloih on sijoitettu kaikkie, midä tarvitah eläjät – syöndykohtu, kirjasto, konsertuzualu, sovanpezohuoneh da pertit erilazih joukkoruadoloih da kerholoih niškoi. Veteruanat eletäh kodikkahis yhten, kahten dai kolmen hengen pertilöis, jogahizes on suuri st’oklugaldari. Enimis pertilöis on jo luajittu remontu, toizii jo allettih kohendella.

Internuatan ruadoh kuulutah hoido, meditsiinuabu da opastus- da kul’tuurupivot.

– Enne internuatan piälimäzii ruadoloi oli mediekkuabu, sie oli liäkärit da meditsiinupertit. Nygöi kaikis tärgevin ruado on sotsiualline abu. On tärgei, ku veteruanat oldas aktiivizet, ku heil olis kiinnostustu elaigah. Sih niškoi meil on äijy erilastu kerhuo, sellitti Irina Prohorova...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat