Vienan Karjala

Kirjutukset vienankarjalakse

Opastajatgi opastutah

Instituutan rektoran Ol’ga Djačkovan sanoin mugah, joga vuottu instituutas läs 3 000 opastajua parandetah omua ammattineruo. Opastajat voijah suaja metoudiellistu abuu SKYPE:n, sähköpoštan, telefonan kauti libo iče tulla instituuttah. // Kuva: Ol’ga Dubitskaja, “Oma Mua”.

Tänävuon Karjalan opastuksen kehityksen instituuttu pidäy omassah 80-vuozipäiviä. Instituuttu perustettih 15. syvyskuudu vuvvennu 1938.

Ainos kehittymäs

Opastajien ruadoneron parandamizen instituuttu ruadoi Pedagougizen instituutan tyves. Sen enzimäzenny johtajannu oli Andrei Basov.

Jälles voinua instituutan piätavoittehennu oli metoudielline da praktiekalline abu kanzallizile školile ven’an da suomen kielen opastamizes. Sil aigua instituutas oli moni ozastuo – histourien da muantiijon, pedagougiekan da psiholougien, ven’an kielen da literatuuran, fiiziekan da matemuatiekan, luonnontiijon da hiimien, fiziellizen da vojennoin valmistamizen ozastot. Sih aigah joga vuottu instituutas opastui läs 500 opastajua, 1960-luvul jo läs 2 000 opastajua.

Vuvvennu 1985 instituutas allettih valmistua informuatiekan opastajii, a jo vuvven 1985 syvyskuun 1. päiväs algajen Karjalan školis ruvettih opastamah informuatiekkua. Vuvvennu 1990 instituuttah avattih Lomonosovan nimizen Moskovan valdivonyliopiston ozasto, kuduas opastettih psiholougoi.

Enzimäine opastajien kilbu “Karjalan vuvven opastai” piettih vuvvennu 1995. Samannu vuon piettih enzimäine Tazavallan karjalan, vepsän da suomen kielien olimpiuadu. Enzimäine kilbu lapsienkaččojih niškoi piettih äijiä myähembi, vuvvennu 2010...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat