Vienan Karjala

Kirjutukset vienankarjalakse

Uuši korttieri – uuši elämä

Kalevalan piirin piämieš Andrei Homič luovutti eläjillä avaimet uušista korttieriloista. Kuvat otettu: vk.com/novkalev-nettišivuilta. Uuvven talon korttieriloissa on kaikki mukavuot: vesijohto, viemäri, lämmityš. Kuvat otettu: vk.com/novkalev-nettišivuilt

Juhlallini tilaisuš piettih Kalevalašša 1. tuiskukuuta – korjauškelvottomien talojen eläjillä oli luovutettu avaimet korttieriloista vaštarakennetušta talošta. Kalevalan piirin piämieš Andrei Homič ta Kalevalan piirin hallinnon johtaja Valentina Bulavtseva onniteltih korttierinšuajie.

Uuši 19 korttierin elintalo on rakennettu pos’olkan Strel’nikovan kavulla. Talon korttierit on hyvin šuunniteltu, niissä on kaikki mukavuot: lämmityš, vesijohto, viemäri.

Rakennuštöitä šuoritettih OOO Karelstroimontaž -laitokšen ruatajat. Talon rakentamini jatku šeiččemen kuukautta ta makšo 31, 9 miljonie rupl’ua.

Alovehellisen Rahvahan šiirtämini korjauškelvottomista elinpaikoista -ohjelman mukah kahen elintalon eläjät Kuušiniemeššä ta kolmen elintalon eläjät Kalevalašša on šuatu ilmaset kojikkahat korttierit.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat