Vienan Karjala

Kirjutukset vienankarjalakse

A on kirjaimikon algu, aluskivi kieles…

Kniigan taidoilii on Jelena Agafonova

Moizil runorivil algavuu vessel runokerdomus sih nähte, kui A-kirjain varrastettih karjalan kielen kirjaimikos, da toizet kirjaimet lähtiettih sidä eččimäh.

Tämä runokerdomus enzimästy kerdua nägi päivänvalgien Kipinä-žurnualas vuvvennu 2015. Se oli pieni kniigaine pienien kuvienke leikattavakse. Tänävuon “Kirjaimikon” julguamizen on kannatannuh Kanzallizen da alovehellizen poliitiekan ministerstvu. Kniigu rodih jo suurembi.

– Minun mieles, tämä toine kniigu rodih toven mieldykiinnittäjäkse. Se on taidoilijan Jelena Agafonovan hyvyös. Kniigu rodieu mieleh niilöilegi, ket ei malteta karjalan kieldy, ku sen čomazii voibi kačelta da nagrua da uvvessah tarkah kačelta eččijes kuvas midägi uuttu. Olen ylbei, ku minun kniigan taidoilijannu on Jelena Agafonova, ylen äijäl kiitän händy ruavos, sanou Ol’ga Smotrova.

Kniigan tagakannes on stolakiža “Kirjaimikon” mugah. Kižah niškoi pidäy hommata kubiekku da fiškat. Kniigu juatah ilmai yhteiskunnallizien liittoloin kauti...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat