Vienan Karjala

Kirjutukset vienankarjalakse

Elän sobuh oman hengenke

Nikolai Zaitsev // Kuva: Tatjana Romanova

Nikolai Zaitsevan nimi on tuttu äijile karjalazile. Alavozes rodivunnuh oman muan suvaiččii, kirjuttai da taidoilii on ainos kannatannuh da akkiloinnuh omua muamankieldy ‒ liygii. Talvikuun 16. päivänny Nikolai Petrovič täytti jo 80 vuottu. Suuren vuozipäivän hantuzis Anuksen kanzallizes kirjastos oli pietty Hänen ikkunat -nimine vastavus, kunne hyvittelemäh nimipäivyniekkua tuli kirjuttajan dovariššua, tuttavua da hänen tuotandon suvaiččijua. Vastavuksen aigua Nikolai Zaitsev saneli omas kirjutusruavos da ezitti oman uvven kniigan “Nägemizih, Tuulos”.

Kirjuttamah karjalakse Nikolai Zaitsev rubei enämbi kymmendy vuottu tagaperin. Enzimäine hänen kaunehliteratuuran kniigaine “Omat ikkunat” nägi päivänvalgien vuvvennu 2005. Jo viijen vuvven peräs se sai Estounien sugukanzoin programman literatuurupalkindon. Toine hänen kerdomuskogomus “Katkattu oza” oli painettu vuvvennu 2014. Täh kniigah kuuluu yheksä kerdomustu, kuduat hyvin ozutetah XX vuozisuan Suvi-Karjalan kylien histouriedu da rahvahan elostu. Nikolai Zaitsevan kerdomukset ollah syvät da filosoufizet. Häi kirjuttau omamualazis, syvendyy heijän duumih da mielih, ozuttau rahvahan elaijan eri puolii da hengen tilua. Kerdomuksien teemoikse häi ottau omien da hierulazien elaigua, midä konzuliennöy oli nähnyh, kuulluh da tundenuh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat