Vienan Karjala

Kirjutukset vienankarjalakse

Kylien školis maksau rippuo

Vieljärven školan johtai Jekaterina Jevsejeva on rouno keskel kavonnuh. Kylän vahnembat ollah ylen äijäl huolestunnuot vahnembien kluasoin hävitändiä da vastustetah sidä. Tossapäi piirin herrallisto ei voija pidiä kolmen-nellän hengen suuruot kluasat da p // Kuva: Marija Golubeva, "Opastajien lehti".

Vieljärveläzet puolistetah omua iččie

Kylien školat ollah aiga kibienny kohtannu. Kylih jiäbi elämäh endisty vähembi rahvastu. Rahvahan kuolendu on piäl ajamas. Kogo Ven’ua myö matkuau školien pienendämizen libo salbuamizen tuhu. Ku ei rodine midä muutoksii, täl vuozisual meijän mua hävittäy sadoi školii, a niilöin peräh – äijät kylätgi.

On priiččua Karjalasgi. Mustoitan “Oman Muan” lugijoile, ku Priäžän piirin administratsii tahtou salvata 10. da 11. kluasat Vieljärven školas kerran tämän opastunduvuvven 9. kluasan opastujis hozi puolet ei jiähä opastumah ielleh omah kyläh. A ku enimät lähtietänneh, vähäzet jiännyöt buito ruvetah talumah Jessoilan kylän školah da eläittämäh internuatas. Vieljärven rahvas opitah vastustua vahnembien kluasoin hävitändiä. Kyzymys on vie sellittämätä, ga piirin virguniekat jo vähäzel kiännyttih rahvahahpäi ezin da opitah sellittiäkseh. Vieljärven kylän priičču ozutti sen, ku rahvas ei ruveta olemah da tirpamah vaikkaine. Hyö puolistetah omii oigevuksii. Internet on auttanuh täs pädevästi.

Školas vois tulla kylän kehityskeskus

Minun mieles, kylien školih niškoi pidäy olla putin muutokset. Net pidi olla jo sentämän vuozikymmen tagaperin. Olen varmu, ku hieruloin školat voidas opastua da kehittiä putilleh ei vaigu lapsii, dai ruavahembiigi. Pidäy olla nygyaigaine kačahtus da veres piätös piälöis. Ei vai täkse päiviä, a hozi sadačun vuvven tuliehpäi. Kylän školas pidäy kehittiä opastus-kul’tuurine keskustaloi, kus rahvahan opastamine, kyläelaigah harjaittamine, kylis eläjän polven kazvattamine da avut oldas ezioigevuksinnu.

Hozi Vieljärven kylän školan dielo. Täs kyläs škola on ainavo suuri, kaksikerroksine taloi, kudamua pietäh piirin b’udžietan vuoh, kudamas on valgei da lämmin. Kluubu täs kyläs on imminkummaine, moizeh taloih kuito on jo huigei jalgugi polgie. En ole niyhty varmu, ku tämänmoine kluubu kuito kehittäy kyläläzii kul’tuuran puoles. En ota čottah Karjalan Kielen Kodii – se on mieron vuoh suadu da ei kuulu kaz’onnoih čottah. Vieljärven paikkukunnas kirjoil on 1927 hengie, školas opastuu 126 lastu. Minun mieles se on vie suuri kylä. Vai tozi on se, ku kymmenendes da yhtendestostu kluasois yhtes opastuu seiččei hengie. Mindäh nenga vähä – on pitky pagin... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat