Vienan Karjala

Kirjutukset vienankarjalakse

Puulois on meijän tulii aigu

Kniigu oli painettu Suomen Arktinen banaani -julguamos. Se voibi ostua julguamon saital adresil arktinenbanaani.fi. Tevoksen prezentatsiihäi pietäh Suomes 23.-25. kevätkuudu Tampere Kuplii -komiksufestivualis.

Mečänpeitto-kniigan valmistettih kaksi suomelastu nastu – Sanna Hukkanen da Inkeri Aula. Sanna on jovensuulaine komiksutaidoilii da kniigoin kuvuaju. “Mečänpeitto” on Sanna Hukkazen kolmas komiksoin al’boumu. Inehmisty jo mondu vuottu kiinnostuttau karjalan kieligi. Elävy kieli -projektan mugah Sanna pidäy komiksoin luadimizen master-kluassoi suomelas-ugrilazis čuppulois ymbäri Ven’ua. Jovensuuspäi rodužin olii Inkeri Aula on kul’tuuruantropoulogu. Paiči kul’tuuroin da yhteiskunnan tutkimistu häi vie kirjuttau runoloi da valmistau raadivoprogrammoi. Kniigah niškoi Inkeri ečči tieduo kalevalalazien runoloin arhiivas dai tutki meččäh kuulujii magiellizii perindölöi.

Kiinnostus vahnoih puuloih on yhtistännyh kaksi nerokastu nastu. Heijän mielen mugah, mečät da puut ollah ylen tärgiet kaikile eläjile. Juuri mečän hävittämizen periä muailmas ainos rodieu luonnonkataklizmoi. Naizet ollah varmat, ku juuri mečis on kiini meijän planietan tulii aigu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat