Vienan Karjala

Kirjutukset vienankarjalakse

Uuttu tieduo Karjalas

Tämän vuvven opastussemestran luvendonpidäjinny ollah Petroskoin valdivonyliopiston Filolougien instituutan, Histourien, poliitiekan da sotsiuallizien tiedoloin instituutan da eriluaduzien ozastoloin ruadajat, sego Karjalan tiedoakadeemien Kielen, literatuuran da histourien instituutan ruadajat.

Tuhukuus algajen kylmykuuh suate Kielen, literatuuran da histourien instituutan ruadajat ruvetah pidämäh luvendoloi, kuduat on omistettu Karjalan tazavallan 100-vuozipäiväle.

Luvendolois suau tiijustua Karjalan kallivokaiverduksis, muinazien karjalazien padaniekoin nerolois, mifolougies da pidolois, paikannimistös, karjalan kieles da kirjalližuos.

Enzimäine luvendo “Karjalan tazavallan da muailman kallivokaiverdukset” pidi 20. tuhukuudu Nadežda Lobanova, Kielen, literatuuran da histourien instituutan ruadai, histourien kandiduattu.

Kaikkiedah Karjalan tazavallan 100-vuozipäiväle omistettulois luvendolois on nelli ozua:

Tuhukuu-kevätkuu: “Karjalan arheolougii”.

- Muinaskarjalazien padaniekoin nero.

- Tuottehien valmistandu Karjalas kivikavven aigua.

- Karjalan keskiaijan arheolougii.

Kevätkuu-sulakuu: “Karjalazien kul’tuuru kielen da mifolougien puoles”

- Vepsäläzet, karjalazet da ven’alazet Karjalan etnillizes kartas.

- Karjalan paikannimistön arbaituksii.

- Karjalan mifolougii.

- Karjalan kalenduarumifat da tavat.

- Karjalan kirjukieli: histourii da nygyaigu.

- Kirju karjalan kielel.

Syvyskuu-ligakuu: “Karjalazien pyhät da arret”.

- Karjalazien svuad’buperindö.

- Karjalaine inehmine.

- Lapsusaigu Karjalas XIX-XX-vuozisavoil.

- Karjalaine kyly.

Ligakuu-kylmykuu: “Karjalan suomelazet”.

- Ruskiet suomelazet da Karjalan avtonoumien algu.

- Suomelazien panos Karjalan ennevoinazeh ekonoumiekkah da kul’tuurah.

- Suuren terroran kanzallisoperatsiet.

- Inkeriläzet Karjalan tazavallas.

Ližiä tieduo Petroskoin valdivonyliopiston saital adresil https://petrsu.ru/structure/660/otkrytyjuniversitet libo telefonas 8 (814-2) 71-10-55. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat