Vienan Karjala

Kirjutukset vienankarjalakse

Io: uuttu muuzikkua karjalakse

Kuunnella Io:n pajoloi voibi internetas adresil https://vk.com/iosongs. // Kuva: Denis Hämäläinen

Io-peittonimel ezittyy Karjalan Kanzallizen teatran artistu Nikita Anisimov. Mies soittau eriluadustu muuzikkua da pajattau ven’an, anglien da kai karjalan kielel. Muzikantan mugah, io-nimel ei ole nimittustu merkičysty, se vaiku kuuluu hyväle. Nikital ei ole omua muuzikkujoukkuo, toiči soittua muuzikkua hänel avvutetah dovarišat. Iče Nikita soittau gituaral.

Lapsennu olles häi lähti opastumah muuzikkuskolah da terväh ellendi, ku huolimattah sih, midä häi rubien ruadamah tuliel aigua, muuzikkua häi ei heitä. Omat sanat Nikita pidi – Kanzallizen teatran artistannu olles häi nygöigi säveldäy da soittau muuzikkua.

– Minun mieliruado ei ole kiini vaiku karjalan kieleh, ga pajatan karjalakse mielihyväl. Tahtozin “rikkuo” stereotipan, ku karjalakse pajatetah vaiku rahvahan pajuo da tansitah vaiku kanzallizis ruutis. Karjalan kieli ei ole muinaine, sil voibi luadie nygyaigastu muuzikkua. Minä näin, ku se kiinnostuttau rahvastu, sanoi Nikita...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat