Vienan Karjala

Kirjutukset vienankarjalakse

Ole kinošša!

Kalevalan volont’orijoukon jäšen Ilja Tihonov (vaš.) voitti kinokilpailušša. // Kuva: Kuva: vk.com/novkalev

Kešäkuušša Karjalašša piettih I alovehellini nuorison kinokilpailu #БУДЬВКИНО (Ole kinošša). Luomistöijen kilpailu vietettih Paikallisien elokuva-alan resurssien kehittämini Karjalan tašavallan ta Šuomen raja-alovehien alovehellista kehityštä varoin -projektin toteuttamisen rajoissa.

Kilpailuh ošallistu 12-15-vuotisie koululaisie Karjalan eri piirilöistä. Heinäkuun alušša arvoštelijat ilmotettih luomistöijen kilpailun tulokšet. Voittajien listoilla piäsi ni Kalevalan volont’orien filmi.

Kalevalan volont’orijoukko “Šyväin – ihmisillä” (johtaja Svetlana Groševa) esitti kilpailun Mie täššä elän -nominatijoh video-istorijan omašta pieneštä kotimuašta “On šemmoni mua – Kalevala”. Arvoštelijat valittih Kalevalan kuvaušjoukon voittajakši šen ohjuajan ta näyttelijän Ilja Tihonovin.

Alovehellisen kinokilpailun toisien voittajien kera Ilja ottau ošua Kanšainväliseh kinokouluh. Elokuun 4.-9. päivinä Nurmekšen Hyvärilä-nuorisokeškukšešša lapšet Karjalašta ta Šuomešta ammattimiehien joholla kuvatah oma elokuva ta kuot’ellah iččie käsikirjuttajan, ohjuajan, kuvuajan ta näyttelijän roolissa.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat