Vienan Karjala

Kirjutukset vienankarjalakse

Oma ranta rakkahin

Ontajärven kylän työpajojen johtaja Nadežda Makarova šai palkinnon KT:n piämiehen Artur Parfenčikovin käsistä. // Kuva: Uljana Tikkanen

Vuuvven 2018 laureattien joukošša on folklorin asientuntija, Rukajärven kulttuuritalon ruataja ta Ontajärven kylän työpajojen johtaja Nadežda Makarova.

Nadežda on paikallisen Oma ranta -folkloriryhmän johtaja. Konserttien ta esitykšien valmistamini ei ole ainut joukon tehtävä, hyö vaššatah šamoin kylän elämäštä, otetah vaštah vierahie. Tänä vuotena šuurempana ruatona oli paikallisen musejon ta työpajojen talon katon korjuamini. Šiihi kylä voitti 300 tuhatta rupl’ua. Nadežda kertou, jotta tämä talo on erittäin tärkie kyläläisillä, šentäh kun toista paikkua, kunne šuau keräytyö, keškuštella, missä pietäh illaččuja ta vietetäh käsityökerhoja, kyläššä ei ole. Nyt še on hyväššä kunnošša. Kylä on yštävyššuhtehissa Šuomen Öllölä -kylän kera ta kyläläiset otetah vaštah šuomelaisie vierahie. Hyöki autetah ratkaissa kyläproplemoja. Oma ranta -ryhmä kävi tänä vuotena esityšmatalla Krimillä, šielä piettih festivali ta ontajärveläiset oltih ainuina Karjalan etuštajina. Nadežda lisäsi, jotta tuo Vuuvven laureatti -arvonimi on oikieštah koko ryhmän ošallistujien anšijo, ilman heitä tätä kaikkie ei olis luajittu, eikä Ontajärven kylyä enyä olis olomašša.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat