Vienan Karjala

Kirjutukset vienankarjalakse

Vieljärven kielipeziä tahtotah auttua

Virralline delegatsii Vieljärven kyläs, Karjalan Kielen Kois. Paginal on valdivolline abu N’apukat-kielipezäle // Kuva: Natalja Antonova

Kui olis auttua Karjalan Kielen Kodih, Vieljärven kyläh azuttuu kielipeziä – jatketah šeikuija Karjalan tazavallan da Priäžän piirin tazol. Mennyöl nedälil Vieljärven kyläh käi virralline delegatsii, kudamah kuuluttih Kanzallizen alovehellizen poliitiekan ministru Sergei Kisel’ov, Priäžän piirin administratsien uudehko piämies Roman Petrov sijahizen Jelena Il’ukovičan kel, azientiedäjät virguniekat, Zakonoinhyväksyndykerähmön deputuattu Valerii Šottujev.

KKK:n kielipezä ruadau enimytteh lahjoituksien kauti kaksi vuottu. Sen alguhpanijat, KKK:n johtokundah kuulujat Natalja Antonova da Ol’ga Gokkojeva kaiken aijan tavoitettih sanella kielipezän ruandas kus vai voidih, ku suaha kannatustu da jen’guabuu. Ei yhty kerdua kielepezäs oli saneltu karjalazien, vepsäläzien da suomelazien nevvoston istundolois piämiehen tyves.

Dielo on eistynyh moniväil. Priäžän piirin administratsii uskaldau jo lähiaijal andua kielipezäle kaksi ruadopalkua. Sen piätöksen täyttämisty kaččou iče ministru Kisel’ov. KKK:s tulou sotsiualine partn’ouru Priäžän administratsiele, ozapuolet luajitah yhtesruadosobimuksen. Kahten palkan andamine on nelläs vuitti kielipezän menolois, ga KKK:s hyvöindellähes tälgi avul. Se on kallis nygözel jygiel aijal. Kaikin paginah yhtynyöt oldih sidä mieldy, ku kielipezän kogemustu olis hyvä levittiä Karjalan toizih kohtih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat