Vienan Karjala

Kirjutukset vienankarjalakse

Myö olemmo Karjal -online-kilvan voittajat ollah tietois

Voittajien palkiččemine piettih 22. kevätkuudu Karjalazien, vepsäläzien da suomelazien resursukielikeskukses. Voittajat suadih lahjat da diplomat. // Kuva: Margarita Kemppainen, “Oma Mua”.

Periodika-julguamo Karjalan Kanzallizen da alovehellizen poliitiekan ministerstvan kannatuksel jo tostu kerdua pidi tazavallan karjalan, vepsän da suomen kielen tiedäjien kilvan “КарелиЯ – это МЫ” (Myö olemmo Karjal). Tänävuon online-kilbu omistettih Kandurahvahien kielien kanzoinvälizele vuvvele. Yhtyö kilbah voidih kai Karjalan eläjät: tazavallan školaniekat da opastujat, kuduat opastutah karjalan, vepsän da suomen kieldy opastundulaitoksis libo ičepälleh, kanzalliskielizien lehtilöin lugijat, kielikursiloin opastujat da toizet...

Testois oli kyzymysty karjalazien, vepsäläzien da suomelazien histourieh, etnogruafieh da kul’tuurah nähte, oligi kielioppillistu harjaitustu. Yhtyö online-kilbah sai 4. -28. tuhukuudu.

Kaikkiedah kilbah yhtyi 135 hengie: 52 hengie piäzii karjalan testas läbi, 11 – vepsän testas da 72 hengie – suomen testas läbi. Karjalan kielen livvin murdehen tiedäjän arvonimes kilbaili 37 hengie, vienan murdehen tiedäjän nimes – 14 hengie. Lyydin murdehen tiedäjän kilbah lyydin yhtyi vaiku yksi ristikanzu. Erähät rahvas opittih vägie kerras kaikis testois.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat