Vienan Karjala

Kirjutukset vienankarjalakse

Kandurahvas kieliruadoh

Tänävuon karjalazien, vepsäläzien da suomelazien nevvostoh tuli uuttu rahvastu: Tatjana Islamajeva, Vladimir Zaharov, Ol’ga Lehtinen, Raisa Samodajeva, Natalja Silakova da Oksana Jer’uškina.

Tänävuon Karjalazien, vepsäläzien da suomelazien nevvostoh tuli uuttu rahvastu. Lyydiläzien Sv’atozerskije korni -organizatsieh kuului Vladimir Zaharov, Arhippa Perttuzen fondan johtai Ol’ga Lehtinen, Uhut-seurah kuului Raisa Samodajeva, Vepsän kul’tursebran piälikkö Natalja Silakova, Karelija-Finl’andija -ystävysseurah kuului Oksana Jer’uškina da Karjalan tazavallan “Suomen kielen keskuksen” piälikkö Tatjana Islamajeva.

Kielinero korgiembah

Petroskoin valdivonyliopiston prorektoru Konstantin Tarasov saneli, kui yliopistos valmistetah karjalan, vepsän da suomen kielien spetsialistoi. Tänävuon niilöih kielih opastuu 147 hengie. Yliopiston opastanduportualah edu.petrsu.ru sijoitetah opastusresursoi, “avvonazen yliopiston” hantuzis pietäh kursu “Suomen paginkieli”.

– Mennyt vuon tiedokunnal omua suomen kielen neruo parandi tamožn’an 18 ruadajua, sanoi Konstantin Tarasov.

Paiči sidä, Petroskoin valdivonyliopisto pidäy yhtehisty ruaduo Kielen, literatuuran da histourien instituutan kel, järjestäy eriluaduzii kilboi, niilöin joukos on “Luvemmo “Kalevalan” runoloi”.  Yliopiston piettylöin pidoloin joukos ollah etnokul’tuurine luageri školaniekkoih niškoi, “Nuorien vastavundu Karjalan mual”, Omat kielet -konferensii školaniekkoih niškoi, yliopiston opastujien tiijollizen konferensien Baltiekkumeren-suomelaine filolougii -sektsii.

– Monet Baltiekkumeren-suomelazen filolougien ozaston opastajat ollah nuoret, ga, kaččomattah sih, suajah oppiarvoloi. Muga, vuvvennu 2018 ozaston johtai Tatjana Paškova väitteli tiedodouhturikse da nygöi ozaston kolme ruadajua kirjutetah kandiduatan väitösruadoloi, kerdoi Konstantin Tarasov...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat