Vienan Karjala

Kirjutukset vienankarjalakse

“Akkuralli” piettih Vieljärvel

Viktor Arestov Veijo Hurmolazen roulis. // Kuva: Margarita Kemppainen, “Oma Mua”

Mennyt pyhänpiän Karjalan Kielen Kois Vieljärvel ezitettih yheksätty Randaine-teatran ozutustu. Čomua karjalua, harvinastu sananpiädy da vesseliä kummua sai kuulta lavalpäi.

Karjalan Kielen Koin Randaine-nimine teatru on lekkehel vuvves 2013 algajen. Sen enzimäzet ozutukset kestettih viijentostu minuutoin. Tävveh toimeh puuttuhuu teatru ozuttau jo čuasun dai enämbängi kestäjii spektakliloi. “Lämmän muan” artistoih niškoi se on suavutus. Kolme päiviä tagaperin Vieljärven kylän rahvahale oli ezitetty Akkuralli-nimine uudine. Sidä spektaklii karjalazet tundietah Kalevalan rahvahallizen teatran repertuarua myöte. Se oli kiännetty enzimäi vienakse suomelazen dramaturgan Heikki Luoman sanoin mugah, KKK:n ruadai Nina Barmina kiändi tänävuon vienankarjalaspäi livvikse. Häigi lavasti livvinkielizen Akkurallin kevättalven aigah.

– Lövvimmö tekstan vastevai ilmestynnyös Kaiku-kogomukses. Kačoin tekstan suurekse, ajattelin, kui la suannemmo tämän lavale. Tottu paistes se meile on suuri stressu. “Akkuralli” on kaikis pitkin meijän spektakli, puolitostu čuassuu kestäi. Suomen kielen nero autoi minuudani kiändäjes, muite ga vienankarjalaspäi olis jygieččäine kiändiä... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat