Vienan Karjala

Kirjutukset vienankarjalakse

Hengelline opastus Anuksen gubernies

Jelena Kalinina tahtou luadie Anuksen seminuarien loppijoin luvettelu. // Kuva: Ol’ga Dubitskaja, “Oma Mua”

Mennyt nedälil Karjalan Kanzallizes kirjastos piettih Hengilline opastus Anuksen gubernies XIX-vuozisual da XX-vuozisuan allus -kniigan prezentatsii.

Tämän kniigan kirjuttajannu on histourien tiedodouhturi Jelena Kalinina. “Hengelline opastus Anuksen gubernies XIX-vuozisual da XX-vuozisuan allus” on jo viijes Jelena Kalininan kniigu. Enne naine tutki vaiku ei-hengellizen opastuksen histouriedu.

– Tänäpäi on akadiemizen tiijon pruazniekku. Nygöi ylen harvah piästetäh ilmoih moizii kniigoi, a bumuagukniigoi vie harvembi, sanoi Karjalan da Petroskoin mitropoliittu Konstantin-tuatto.

Omas kniigas Jelena Kalinina kirjuttau hengellizen opastuksen sistieman kehitykses Anuksen gubernies. Naine tarkah tutki Anuksen hengellizen seminuarien, Anuksen jeparhiallizen naisopiston, hengellizien opistoloin, kirikköškolien toimindua. Paiči sidä, kniigas voibi lugie opastajien da opstujien jogapäiväzes elaijas.

– Kirjuttua tädä kniigua oli jugei sendäh, ku pošti ei säilynyh nimittuzii dokumentoi, a kuduat ollah säilytty, ollah Petroskoin da Piiterin eri arhiivois, kerdoi Jelena.

– Monii dokumentoi, kuduat oldih pandu tallele vie XIX-vuozisual, niken ei ottanuh, minä olin enzimäine, jatkoi naine.

Papil ei suannuh andua omii lapsii opastumah tavallizih školih. Sendäh enne pappiloin lapset puaksuh kazvettih perehettäh. Lapsii otettih opastumah kirikköškolih 7-vuodehizinnu. Papikse pidi opastuo hätken aigua – läs 16 vuottu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat