Vienan Karjala

Kirjutukset vienankarjalakse

Čuajunjuondu karjalakse

Alavozelazet Vera Larionova (oigiel) da Ol’ga Limarenko opastettih lapsii karjalazien čuajunjuondutabah. Kuvas ollah oman kodirannan tutkijat, karjalan kielen suvaiččijat Son’a Jefimova, Ksenija Tuhkina da Ksenija Kuznetsova (huruas oigieh). // Kuva: Antonina Rossijeva

Karjalazet inehmizet Ol’ga Limarenko da Vera Larionova kučuttih Alavozen školan kolmanden “B” kluasan opastujii juomah čuajuu “karjalakse”. Kučundale ei sua vastata kieldävymizel, dai lapsil se oli himo tiijustua, kuibo karjalazet čuajuu juvvah.

Sit 14. kevätkuudu lapset otettih keräle “evähät” dai livuttih gostih.

Alavozen kirjastos gostii vastattih ylen hyvin. Vera Mihailovna kaiken pivon aigua ei sanonuh ni sanastu ven’akse, ga ellendämättäh ei jiännyh ni yksi kohtaine... 

Lapset tiijustettih, kui zavarittih da juodih čuajuu tovellizet karjalazet. Enzimäzikse huuhtaldettih čainiekku palaval kiehujal viel, sit ripoitettih sinne zavarkua (min verdu hengie on čuajuu juomas, sen verdu luzikkuagi pandih), valettih piäle vaste kiehunuot viet. A vie čainiekan piäle pandih mittuinetahto tobjiembi kangaspalaine, gu čuaju hätkembän ei vilustus.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat