Vienan Karjala

Kirjutukset vienankarjalakse

Runot elävytäh Anukses

On hengis kieli tuattoloin -runokilvan kolmanden igäjoukon voittajat F’odor Ovčinnikov (tagarivis) da Anastasija Jakovleva (oigiel) lugiettih Kalevala-eeposan Ilmoilline-runon da toizen igäjoukon voittai Aleksei Ognev (hurual). Aleksei lugi Zinaida Dubini // Kuva: Tatjana Ignatäkova

Sulakuun 17. päivänny Anuksen Kanzallizes kirjastos piettih jo 18. tazavallan jogavuodine runokilbu lapsih niškoi “On hengis kieli tuattoloin”.

Tänävuon pidoh yhtyi 87 školaniekkua da päivykoin kazvattii Petroskois, Kalevalas, Anukses, Priäžän, Anuksen, Onieganrannikon da Lihoslavl’an piirilöis. Lapset Kalevalas, Meliorativnoin kyläs da Lihoslavl’an piirispäi ei voidu piästä Anukseh, sendäh edukädeh työttih kilbah videot. Täl kerdua lapset lugiettih runoloi karjalan da suomen kielel. Hyö vallittih Vladimir Brendojevan, Zinaida Dubininan, Tatjana Baranovan, Anna Usovan, Juakko Rugojevan, Ol’ga Mišinan da toizien kirjuttajien runoloi. Kuuluigi kiännettylöi runoloi.Runokilvas, paiči runoloi, lugiettih prouzuagi.Tänävuon arvostelijoin joukkoh kuuluttih Vladimir Lukin, Zinaida Dubinina, Valentina Kondratjeva, Jelena Migunova, Tatjana Romanova da Valerija Grafova. Valerija iče mondu kerdua yhtyi On hengis kieli tuattoloin -runokilbah da oli sen voittajannu.

Tavan mugah lugijat kilbailtih kolmes igäjoukos: 3-7-vuodizet lapset, 8-11 -vuodizet lapset da 12-17 -vuodizet lapset.

 

Enzimäzen igäjoukon voittajat ollah:

1. Darja Besman, 6 vuottu, Anus;

2. Anna Kijegečeva, 5 vuottu, Kalevala;

3. Kira Potapova, 6 vuottu, Anus.

 

Toizen igäjoukon voittajat ollah:

1. Aleksei Ognev, 9 vuottu, Petroskoi;

2. Ivan Kabanov, 9 vuottu, Anus;

3. Vera Hodčenkova, 9 vuottu, Anus.

 

Kolmanden igäjoukon voittajat ollah:

1. F’odor Ovčinnikov, 13 vuottu da Anastasija Jakovleva, 15 vuottu, Petroskoi;

2. Anastasija Paškova, 13 vuottu, Anus; 

3. Frol Kabanov, 13 vuottu, Anus. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat