Vienan Karjala

Kirjutukset vienankarjalakse

Alavozes mustoitettih, kui svuad’boi piettih

Ku-ku -spektakli on sih nähte, kui piettih svuad’boi 1960-luvul. 12+ // Kuva: Irina Palatina

Alavoizen taigin -teatru pidi Ku-ku -spektaklin enzi-illan Alavozen kyläs.

Oraskuun 5. päivänny Alavozen kul’tuurutaloi kučui kaikkii kylän karjalazii da karjalan kielen suvaiččijoi vastavuksele Alavoizen taigin- da Alazet - teatroinke, kudamil tänä keviän täydyi kolme vuottu.

Irina Palatina mustoitti, kui kolme vuottu tagaperin kerävyimmö tänne kirjuttamah saneluu karjalakse. Ei ylen äijiä meidy olluh, ga kui sanotah, “vähäs voibi kazvuagi enämbi”. Silloi kirjutimmo kudakui, rubeimmo vähäzin tarattamah livvikse dai rodih himo jatkua ielleh. Tulimmo moizih mielih, ku olis hyvä luadie oma teatru. Rubeimmo valliččemah nimie, kaikil rodih mieleh Vera Larionovan kehoitettu nimi – “Alavoizen taigin”. Kučuimmo tuttavii teatrah, ečimmö da kiännimmö tekstoi, valličimmo pajoloi. Meijän enzimäine ozutelmu oli “Akku, salbua veräi!”, sidä ozutimmo äijäs kohtas dai kaikkiel rahvas vastattih sidä ylen hyvin.

Jällespäi Irina Palatina keräi eri-igäzii lapsii, rubei kižuamah heijänke, varustamah ozutelmii eri suarnoin mugah, opastamah lapsii muamankieleh. Nygöi se on Alazet-lapsien teatru-stuudii.

Myö piätimmö yhtyö Karjalan Rahvahan Liittoh, kiännyimmö sen piälikön Natalja Vorobein puoleh da yhtyimmö ruadoloih karjalan kielen hyväkse... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat