Vienan Karjala

Kirjutukset vienankarjalakse

Anuksen lohko kuvis

Anuksen taidoilijat (hurualpäi oigiel) Jurii Kanojev, Jurii Bobin, Jelena Leontjeva, Natalja Čanžina da ozuttelun kurattoru Art’om Starodubtsev (toine oigiel). 0+ // Kuva: vk.com/olonets_landscape

Ozuttelus on ezitetty nellän anukselazen taidoilijan – Jelena Leontjevan, Natalja Čanžinan, Jurii Bobinan da Jurii Kanojevan – kuvii. Hyö ruatah eriluduzien tehniekoin mugah, ga kaikin piirustetah Anuksenlinnua.

– Meil oli ylen jygei ruado – yhtistiä täh pieneh zualah nellän taidoilijan kuvat. Sie on kui mualuamistaiduo, mugagi taidogruafikkua. Nämmien kuvien välih pidäs panna seiny, ku net oldas eriže, sanoi petroskoilaine taidoilii Art’om Starodubtsev.

Jelena Leontjeva on gruafiekku, häi piirustau pastelil. Liiniet Jelenan kuvis ollah tarkat, kohtinazet. Nämmis kuvis voibi nähtä karjalazii taloloi. Jelena kuuluu Ven’an taidoilijoin liittoh vuvves 2015.

Jurii Kanojev enimyölleh piirustau kylii. Mies suvaiččou piirustua voimualal, temperal da akriilmualal.

Natalja Čanžina piirustau Anuksenlinnan ymbäristökuvii eri vuvvenaijoil, piirustaugi nat’urmortoi.  

Jurii Bobin piirustau vetty – Luadogua, Olonka-jogie, kalastajii. Mies suvaiččou piirustua gorizontuallizii kuvii. Jurii Bobin on Ven’an taidoilijoin liitos vuvves 2011 algajen...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat