Vienan Karjala

Kirjutukset vienankarjalakse

Ondrusovo elavuu

Ondrusovan manasterii ruvettih elavuttamah, sygyzyl 2017 ruvettih nostamah Pyhän Miikulan kirikkyö. Täl aigua manasterin talovuttu hoidau ijeromanuahu Tiittu (Bukanov). // Kuva: Kuva on otettu Ondrusovan manasterin virrallizel internet-sivul vk.com/club51943938

Unohtettu Andrusovo – Nikolajevskii miehien manasteri nostettih XVI-luvun allus Luadogan järven päivännouzupuolen rannikole. Se oli erähän kilometrin piäs Anusjoven alajuoksun rannal. Manasteris Anuksessah on 28 kilometrii.

Manasterin alguhpanii Adrian Ondrusovalaine (Andrei Zavališin) kuului bohatoin moskovalazien bajuariloin rodukondah.

Vuvvennu 1653 manasteris oli jo kaksi kirikkyö. Yksi niilöis oli pyhitetty čuvvonluadijan Pyhän Miikulan nimel da toine oli Jumaldoman Neičyt Marijan kirikköh tuomizen kunnivokse. Manasteris eli 17 vahnustu da sen iguumenannu oli Iona.

Vuozisavoin luguh manasteri kesti ruoččilazien ryöstölöi, toiči se oli hävitetty muanpindassah da vuozikymmenii oli “tyhjänny”. Manasterin parahii aigoi oli XIX-vuozisual.

Vuozisuan allus varua manasterin uvvessah nostamizeh ei olluh nivouse, kuni vuvvennu 1808 sidä ruaduo ei autettus eistiä edehpäi piiteriläzet kauppumiehet. Hyö oldih Sem’on Čuhov da Andrei Sergejev. Heijän den’guavul vuvvennu 1809 oli kunnostettu Miikulan kirikkö. Uvvistetus kirikös ruvettih alalleh pidämäh Jumalan sluužboi suurien pruazniekoin aigah. Täydeh kundoh Ondrusovan manasteri oli suadu sen jälles, konzu vuvvennu 1817 ielmainittu Andrei Sergejev andoi kohendusruadoloih aiga suuren den’gusumman – 7 000 rubl’ua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat