Vienan Karjala

Kirjutukset vienankarjalakse

Kadrielii, svuad’bua da eloksen kuvii

Petroskoin valdivollizen Glazunovan nimizen konservatourien dotsentu, akt’ouruneron opastai Jelena Jarkova opastau artistoi oigieh ozuttamah pädevii emotsieloi. // Kuva: Elina Potapova, “Oma Mua”.

Priäžäs da Petroskois piettih jo toine Taidosuari -karjalazien, vepsäläzien da suomelazien ei-ammatillizien teatroin festivuali. Kahten päivän aloh teatrujoukot Karjalan tazavallan eri piirilöispäi ozutettih spektakliloi karjalan kielel.

Taidosuari-festivualii tänävuon piettih 25.-26. oraskuudu kahtel laval – Karjalan Kanzallizen teatran da Priäžän Luomisruavon keskuksen laval. Festivualin alguhpanijannu on paikalline yhteiskunnalline organizatsii “Pyhärven d’uuret”.

Festivualin avajazet piettih tänävuon Petroskois, Kanzallizes teatras. Uhtuon katrilli -spektaklin sie ozutti Kalevalan rahvahalline teatru.

Tänävuon festivualih tuldih vaiku karjalankielizet teatrat – “Alavoizen taigin”, Vieljärven “Randaine”, Karhumäin “Karjalan helmi”, Priäžän “Kyläläizet”, Jessoilan Mieli-teatru da školateatrat “Iloniekat” da “Mielikuva”, Pyhärven “Lembi”, Uvven Vilgan “Ildukečoi” da Anuksen da Kalevalan rahvahallizet teatrat.

Priäžäs festivualih yhtynyzii tuldih tervehtimäh Priäžän piirin haldivon piämiehen sijahine Jelena Il’ukevič, Karjalan Kanzallizen da alovehellizen poliitiekan ministerstvan ruadai Aleksandra Anufrijeva da kirjuttai Sergei Pronin.

– Hyvittelen kaikkii tämän kielen da teatran pruazniekanke. Työ oletto ezikuvannu nuorile, juuri teis riippuu, ruvetahgo elämäh da kehittymah meijän kanzallizet kielet, sanoi Jelena Il’ukevič.

– Taidosuari-festivuali kehoittau säilyttämäh da kehittämäh karjalazien, vepsäläzien da suomelazien kul’tuurua, pagizemah muamankielel, suamah yhteh ruadoh teatrujoukkoloi da parandamah kielineruo, sanoi festivualin avajazis Randaine-joukon artistu Nina Barmina...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat