Vienan Karjala

Kirjutukset vienankarjalakse

Anuksen histourii telefonan liittehenny

Kuttujevien kodi on Anuksenlinnan vahnimii taloloi. // Kuva: Elina Potapova, “Oma Mua”

InterAktivnaja Istorija -projektu algavui mennyt sygyzyl Karelija -rajan yhteisruavon programman hantuzis. Projektah yhtyi kuuzi muzeidu Karjalan tazavallas da Suomespäi. Muzeiloin joukos on Karjalan kanzalline muzei, Anuksen kanzalline muzei, Kurkijoven kodialovehen keskus, Jovensuun Pohjazen Karjalan muzei, Outokumpu-linnas Mägimuzei da Ilomantsin muzeifondu. Projektan yhtynyöt muzeit ollah historiellizil alovehil. Sanommo, Anuksen kanzalline muzei on sijoitannuhes puustoh, endizen linnan kohtale, muga sanottuh “pienembäh linnah”.

– Rahvas mustetah, ku täs paikas on puusto, voibi sanuo, nygöi se on hyllätty. Ruavahat rahvas sanotah, ku enne sie oldih tansilava, liedžut da karuselit. Enne anukselazet ei ni tietty, ku täs paikas oli linnu. Nygöihäi puustos on posterua, kus on tieduo endizes linnas. Projektan hantuzis puustuo ruvetah panemah kundoh, kerdoi muzein piälikkö Natalja Nikolajeva.

Landšaftan dizain-projektu parkah niškoi valmistetah Piiterin Aleksandr Štiglitsan nimizen taido-tevolližusakadiemien opastujat. Tuhukuus opastujat tuldih Anukseh, kačeltih endizen linnan alovehtu da tutkittih dokumentoi. Kezäkuus delegatsii Anuksespäi tulou Piiterih da valliččou yhten monis dizainprojektois. Nygyaigazet arhitektuurumuvvot yhtistetäh nygösty da mennytty aigua yhteh da kerrotah Anuksen linnas. Puustos rodieu mieldykiinnittäi kohtu nygyaigazile anukselazile, enne kaikkie nuorižole...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat